Religious Poetry

(MUTFARRIQ SHAYRI) 

dhoondhta phirta hoon aey iqbal apne aap ko

khud hi goya manzil khud hi musafir hoon main

            

                             (ALLAMA IQBAL)

"HAMD"

Tairi rehmaton se hoon bekhabar ye mairi nazar ka qasoor hay

tairi rah guzr may qadam qadam kahi arsh hay kahi toor hay

ye bja hay maalik_e_dojahan mairibandagi may qasoor hay

ye khata hay mairi kahta magar taira naam bhi to ghafoor hay

ye bta tuj se miloon kaha muje tuj se milna zaroor hay

kahi dil ki shart na daalna maira dil gunhaon se choor hay

tu bakhsh de maire sab gunah tairi zaat ghafoor_o_raheem hay

"AEY UMR_E_RAWAN"

Aey umar_e_rawan aahista chal
abhi khasa qarz chukana hay

kuch khawab hain jinko likhna hay
kuch taabeeron ko paana hay

kuch log hain ujray dil waaley
un sab may pyaar basana hay

aur khaza raseeda aangan may
abhi aman ka beej lagana hay

kuch tauba karni baqi hay
aur rab ko hamain manana hay

aey umar_e_rawan aahista chal
abhi khasa qarz chukana hay

"Dareeche se jhankti larki"

dareeche se jhankti wo larki ajeeb dukh se bhari hui hay
k us k aangan may phool par aik neeli titly mari hui hay

kabhi azanon may khoi khoi kabhi nimazon may royi royi
wo aise dunya ko daikhti hay jaise is se dari hui hay

darood se mehki mehki saansain wazifa parhti hui wo aankhain
k ik shamma_e_umeed in may kayi baras se dhari hui hay

bare zamanon k baad barsi hain mairi aankhain kisi ki khatir
bare zamanon k baad dil ki zameen phir se hari hui hay

"AUr chup hua mouzzin azan kehte khety"

Goongi Ho Gai Zaban Aaj Kuch Kehte Kehte
Hich-Kicha Gaya Me Khud Ko Musalman Kehte Kehte

Ye Baat Nahi Ke Mujh Ko Us Par Yaqeen Nahi
Bas Dar Gaya Khud Ko Sahib E Iman Kehte Kehte

Tofeeq Na Hui Mujhey Ek Waqt Ki Namaz Ki
Aur Chup Hua Moazzin Azaan Kehte Kehte

Kisi Kaafir Ne Jo Poocha Ke Ye Kiya Hai Mahina
Sharam Se Pani Hua Main Ramzan Kehte Kehte

Mere Shelf Me Gard Se Atki Kitaab Ka Jo Poocha
Me Gad Gaya Zameen Me Quraan Kehte Kehte

Ye Sun Ke Chup Saadh Li Iqbal Us Ne
Youn Laga Jese Ruk Gaya Ho Mujhay Hewaan Kehte Kehte ....